ചിതറിപ്പോയ നമ്മൾ - ഡിജിറ്റൽ ലോകം 1

അതിർത്തികളില്ലാതെ ,ഭൂമി  മുഴുവൻ  പരസ്പരം ബന്ധപെട്ടിരിക്കുന്ന  നെറ്റ് വർക്കുകൾ  കൂടുതൽ കൂടുതൽ കാര്യക്ഷമമാകുന്ന 

 മൊബൈൽ ഫോണുകളും  മറ്റ് ഉപകരണങ്ങളും അല്ലെങ്കിൽ  ഇന്റർനെറ്റ്  ശക്തിപകരുന്ന ടീവി ,ഫ്രിഡ്ജ് എ സി ,കാർ അങ്ങിനെ അങ്ങിനെ ഓരോ ദിവസ്സവും കരുത്താർജിക്കുന്ന    ഇന്റർനെറ്റ് ഓഫ് തിങ്ങ്സ് (IOT) ,കൃതൃമ ബുദ്ധി (artificial intelligence ) .വിദ്യാഭ്യാസം ,ആരോഗ്യം ,ജീവിത നിലവാരം എന്നുവേണ്ട ഭൗതിക ലോകത്തിന്റെ അസംഖ്യം കാര്യങ്ങളിൽ അവിശ്വസനീയമായ 

മാറ്റങ്ങളുടെ കാലം  .

ലോകം  മുഴുവൻ ഇന്റർനെറ്റ്  ശൃംഖലയുടെ കണ്ണികളാൽ പരസ്പരം  ചേർന്ന് നിൽക്കുന്ന ഈ കാലഘട്ടം 

തന്നെയാണ്  മനുഷ്യകുലം വിഭാഗീയതയിലേക്ക്  മാറിത്തുടങ്ങിയത് അത്  മതം ,രാജ്യം ,രാഷ്ട്രീയ കാഴ്ചപ്പാടുകൾ മാത്രം ഒതുങ്ങി നിൽക്കുന്നില്ല .  ആ വിഭാഗീയ ചിന്തയുടെ വേരുകൾ എവിടെ നിന്നാവും വളർന്നു വന്നത് ?

പത്രങ്ങൾ തുടങ്ങിയ കാലം മുതൽ ഓരോ പ്രസിദ്ധീകരണവും ഓരോ കാഴ്ച്ചപാടും ഉദ്ദേശ്യവുമായാണ് പ്രചാരം ആരംഭിച്ചത് .

ഉയർന്ന ചിന്തയും ഉയർന്ന മുതൽ മുടക്കും അതിനാവശ്യമായിരുന്നു . സാമ്പത്തീക രംഗം ശക്തിപ്രാപിക്കുകയും 

പ്രസിദ്ധീകരണങ്ങൾ ലാഭകരമാവുകയും ചെയ്തത് കൂടുതൽ കച്ചവട താല്പര്യമുള്ള വരെ  ഈ രംഗത്തേയ്ക്ക് കൊണ്ടുവന്നു .

അച്ചടിരംഗത്തുണ്ടായത് 

അച്ചടി മാധ്യമങ്ങളുടെ പ്രചാരം   സാംസ്‌കാരികവും   ഭാഷപരവുമായ ഒരു ഏകതയ്ക്ക്  ഒരു പരിധി വരെ കാരണമായി .

ഈ മാറ്റത്തിന്റെ ഭാഗമായി  ആശയങ്ങളുടേയും അഭിപ്രായങ്ങളുടെയും പങ്കുവയ്ക്കലുകളും സംഭവിച്ചു .ഒരു വലിയ ജനവിഭാഗത്തിനെ സ്വാധീനിക്കാൻ കഴിവുള്ള ശക്തിയായി  പല പ്രസിദ്ധീകരണങ്ങളും മാറി.

അച്ചടി മാധ്യമങ്ങളുടെ വളർച്ചയുടെ ഭാഗമായി പ്രായം ,ജീവിതനിലവാരം ,മതം ,ജാതി ,സ്ത്രീകൾക്കു വേണ്ടിയുള്ളത്  പുരുഷന്മാർക്കുവേണ്ടിയുള്ളത് എന്നിങ്ങനെ നിരവധി പ്രസിദ്ധീകരണങ്ങൾ നിലവിൽ വന്നു  .എന്നിരുന്നാലും  ഒരു സാമാന്യ ബോധമുള്ള എഡിറ്ററുടെ സ്വാധീനം പലപ്പോഴും മിക്കവാറും എല്ലാ പ്രസിദ്ധീകരണങ്ങളിലും  ഒരു കാലം വരെ  പുരോഗമനപരമായ കാഴ്ചപ്പാട് നിലനിർത്തിയിരുന്നു . പലപ്പോഴും അനീതിയ്ക്കു നേരെ വിരൽ ചൂണ്ടുന്ന, സമൂഹത്തിലെ തിന്മകൾക്കെതിരെ 

ശക്തമായി താക്കീതു നൽകുന്ന സാമൂഹ്യനീതിയുടെ ഒരു കാവലായി മാറി .  

സ്വകാര്യവത്കരണവും , ആഗോളവത്കരണവും  സാമ്പത്തികരംഗത്തെ ഉണർത്തി  വ്യവസായ വളർച്ചയും മധ്യവര്ഗ്ഗത്തിന്റെ സാമ്പത്തീക ഉന്നമനവും    പരസ്യവിപണിയുടെ  വളർച്ചയ്ക്ക്  വളക്കൂറായി പിന്നീട്     ധ്രുതഗതിയിലെ വളർച്ചയാണ് അച്ചടിമാധ്യമ രംഗത്തുണ്ടായത്  . ടെലിവിഷൻ രംഗവും സമാനമായ രീതിയിലാണ് വളർച്ച പ്രാപിച്ചത്  ആദ്യം പല പരിപാടികളുള്ള ചാനലുകളിൽ നിന്നും ഓരോ വിഭാഗത്തിനായുള്ള ചാനലുകൾ എന്ന രീതിയിൽ മാറ്റം സംഭവിച്ചു .

ഈ  മാറ്റങ്ങളുടേയും മത്സരങ്ങളുടേയും ലോകത്തേയ്ക്കാണ് ഇന്റർനെറ്റ് കടന്നെത്തിയത് ഇമെയിൽ, വെബ്‌സൈറ്റ് ,സെർച്ച് ,ചാറ്റിങ് അങ്ങിനെ പതിയെ പതിയെ പുതിയ മാധ്യമം കടന്നെത്തിയത് മനുഷ്യന്റെ ഉള്ളിലെ ലോകത്തേയ്ക്കായിരുന്നു അതൊരു പുതിയ 

ലോകമായിരുന്നു എല്ലാം മറന്നു പുതിയ ലോകത്തെ പുണർന്നപ്പോൾ അതുവരെ നിലവിലില്ലാതിരുന്ന പരസ്യതന്ത്രങ്ങളും 

മാർക്കറ്റിംഗ് രീതികളും ഓരോ ഉപഭോക്താവിന്റെയും  താൽപര്യങ്ങളിൽ വേരൂന്നി വളരുകയായിരുന്നു .